Kənd təsərrüfatı məhsullarının istehsalının önəmli bir sahəsi olan taxıl, yığım sonrasında depolarda saxlanılır. Bu zaman, ən az itki və ən uzun müddətli mühafizəni təmin etmək üçün həm taxıl həm də deponun saxlanmasında istilik, nəmlilik və qatqı maddələrinin miqdarı kimi bir çox faktor nəzərə alınır. 

Hər birimiz bilirik ki, dünyada ölkələrin əsas qida mənbəyi taxıl məshulları hesab olunur. İnsanların qida ehtiyacının təmin olunmasından heyvanların qidalanmasına qədər geniş bir sahədə istifadə edilən bu məhsul, gözlənilməyən hər hansı bir təbii fəlakət ya da müharibə kimi hadisələrdən yaranan təhlükəni nəzərə alaraq ölkələrin anbarlarında saxlanılır. Qısa bir müddət ərzində istifadə edilməyən və ya bazara çıxana qədər saxlanılan taxıllar da uyğun depolama şərtlərində mühafizə olunmaqdadır. Belə olan halda,  taxılın saxlanıldığı mühitdə yararsız hala düşməməsi və hər hansı bir itki ilə üzləşməmək ən önəmli məsələdir.

Xüsusi olaraq qeyd etməliyik ki, bizim süfrəmizə çatmadan 30%-ə dək itkinin olduğu bu sahədə depolama prosesinin çox böyük dəqiqliklə həyata keçirilməsi əsas nəzərə alınmalı fəaliyyətdir.

Ümumilikdə diqqət etməli olduğumuz bəzi məqamlar isə bunlardır:

-        Depolanan taxılın nəmlilik səviyyəsinin aşağı olması çox önəmlidir. Məsələn, buğdada bu səviyyənin 12-14 % olması uyğun hesab edilir. 

 

-        Taxıl yığımı sonrasında kiflənmiş və deformasiya olmuş toxumlar depoya girmədən öncə ümumi yığımdan ayrılmalıdır.

 

-        Həşəratlar tərəfindən zədələnmiş və infeksiya olmuş taxıl dənələri fumiqasiya (qazlama) üsuli ilə dərmanlanmalıdır.

 

-        Taxıl depolanacaq mühitin iqlim şəraiti, anbarın nəmsiz, havalanmaya uyğun və işıqlı olması da əsas nəzərə alınmalı nüanslardan bəziləridir. 

 

-        Depodakı taxıllar və depo havası mütəmadi olaraq müəyyən aralıqlarla nəmlilik və istilik baxımından kontrol edilməli və zərər vericilərə qarşı qoruyucu tədbirlər görülməlidir.

 

-        Depo məkanının beton və ya torpaq döşəmədə olması halında iyonizə nəmin depo məkanına girməməsi üçün depolama bölgəsinin izolyasiya edilməsi şərtdir. 

 

-        Depolama məkanı üçün ən yaxşı istilik dərəcəsi 4°C – dir. İstiliyin artması halında isə silolarda mübadilə həyata keçirilə bilər.